Christelle Chevallier-Gaté

Stummerez, psikologourez ha klaskerez abaoe ouzhpenn 20 vloaz e kinnigan stummadurioù war psikologiezh an diorren, an deskiñ hag ar bedagogiezh, hag un ambroug psikologel e brezhoneg.

Eus Bro-Añjev on. Gant Breizh em eus graet anaoudegezh e 2015 a-drugarez d’ul labour e Brest. Tamm-ha-tamm he deus diwanet ar garantez koulz evit ar vro hag ar yezh ennon. E 2017 em eus divizet deskiñ brezhoneg… E miz Gwengolo 2023 e tigeran ma embregerezh « Heol al Loar ».

Pa ‘z edon o teskiñ brezhoneg, em eus bet tro da gejañ gant tud entanet ha lec’hioù gwall blijus. C’hoant am eus bremañ da reiñ en-dro ar blijadur am eus bet o teskiñ. Setu perak e kinnigan obererezhioù micherel hag a liamm teir barregezh din : skiantoù an deskadurezh, psikologiezh ha brezhoneg.